بسم الله الرحمن الرحيم
نبداء على بركه الله
الشرح
اولا فكره عامه عن اللعبه العبه دى مكونه حتى الان من 3 سرفرات كل واحد فيهم له اعضائه ولاكن كل سرفر يختلف عن الثانى فى القوه يعنى اول ما هاتسجل فى سرفر 1 هتلاقى نفسك ترتيبك مثلا 20000 وهاتخد وقت كبير فى رفع اسمك والدخول فى ال100 الاوائل لاكن سرفر 3 هو الاسهل لان انت هاتبتدىء وانت ترتيبك 3000 مثلا ده غير ان انت بسهول هاتقدر ترفع اسمك فى ال100 الاوائل اما سرفر 2 هو الاحسن لانه اوسطهم هاتدخل تلاقى الاثاره والنديه وبمجهود معقول ولو اتبعت الشرح هاتظبط نفسك وبسرعه فى اى سيرفر يعجبك
الصور
دى بقى فيها شرح لجميع امكانيات اللعبه
وكما هو واضح فى الصوره
1 الاسطبل وده بتشتغل فيه عشان تزود الدهب وتقدر تشترى الاسلحه والدروع طبعا مع زياده مستواك هايزد الاجر فى الاسطبل
2 الساحه ودى بتحارب فيها اعضاء زيك عشان ترفع اسمك فى الساحه وكل ما تحارب وتنتصرهتاخد دهب واحيانا نقاط تجربه ودى بتعلي فى المستوى
3 الحانه وده بيطلب منك طلبات بتعملها وتاخد دهب ونقاط تجربه لما تنفذ اللى هو عايزه منك
4التدريب وده بتدخل تتدرب عشان تزود مهارتك والقوه الخ
5صانع وبائع الاسلحه وده بتشترى من الاسلحه ولو معاك سلاح مش عايز يتباع فى السوق ممكن تبعهوله وهتاخد الدهب فى الحال
6 صانع وبائع الدروع وده برضو بتشترى منه الدروع ودروع الصدر والخوز وبرضو ممكن تبيع له اى شىء محدش عايز يشتريه منك فى السوق
7 بضائع عامه وده بتشترى منه القفازات والاحذيه والخواتم والعليقات والاغذيه وبرضو ممكن تبيع له اى شئ مما سبق
8 الخميائى وده بتشترى منه عقاقير عشان تزودك فى امكانياتك بشكل مؤقت او دائم وذالك باستخدام انواع معينه على الاسلحه والدروع والمجوهرات
9 صاحب محل المجوهرات وده بتشترى منه المجوهرات لو ليك حساب فى البنك والمجوهرات دى بتخليك تشترى اسلحه ودروع اعلى من مستواك بكتير لاكن اكيد ممكن الاستغناء عنها لان تقريبا كل اللى بيلعبو اللعبه دى مش بيستعملو المجوهرات فى لعبهم نصيحه متحاولش تدخل رقم حساب خاطئ لان ده هايعرضك لاالغاء عضويتك
10 مبنى المزاد وده مهم جدا جدا لانه يمكنك من خلال المزاد ان تشترى اسلحه اعلى من مستواك بكتير ونصيحه متحاولش تدفع دهب فى المزاد الاوهو قصير جدا عشان بيكون قرب يخلص لاكن لو حد زايد عليك هايروح عليك اللى انت دفعته
11السوق ده بتبيع وتشترى منه اى حاجه
ودى صوره لبعثه اثناء اللعب
وكما هو مبين فى الصور
1نظره عامه ودى اللى بتشوف اللعيب بتاعك واحتياجاته فيها وتضع له الاضافات فيها
2 الرسائل ودى بيقلك فيها تقارير عن تحدياتك فى الساحه او البعثات او اى حد يبعتلك رسائل
3الشرف وده مقياس الترتيب كل ماعلى على معه الترتيب
انتهى الشرح وانا تحت امر اللى عايز يسائل فى اى حاجه